Prensa

Bodegas El Paraguas vén de recibir, por cuarta vez na súa curta historia, o premio ó Mellor Viño de España segundo a AEPEV (Asociación Española de Periodistas y Escritores del Vino). Este galardón recae no branco líder da firma galega, El Paraguas Atlántico 2022, recoñecido como o Mellor Viño de España na categoría de “Viños Brancos de Crianza en Barrica”.

El Paraugas Atlántico 2022 foi galardoado con esta importante distinción tras a decisión dos case 200 membros da asociación da prensa vitivinícola española. É importante destacar que os Premios AEPEV non son un concurso ou degustación típico. Estar incluído entre os produtos a avaliar é só potestade dos líderes de opinión (socios da AEPEV) en función das noticias xeradas durante o ano e considerando tamén os produtos degustados por eles ao longo do 2023. A relación entre produtores e comunicadores xera noticias e estas popularizan os viños. Estes Premios AEPEV recoñecen o mellor, segundo o criterio particular de cada un dos nosos socios.

Os membros da AEPEV elixiron 451 viños e 108 espirituosos, que tras a primeira selección determinaron a táboa de FINALISTAS con 155 viños, 59 espirituosos e 10 vermús que foron votados na segunda volta polos xornalistas e cuxo resultado permitiu a Bodegas El Paraguas gañar o galardón que recollerá a próxima primavera nun acto organizado pola AEPEV con algúns dos prescriptores máis importantes de España.

Luis Gutiérrez Santo Domingo, catador de España, Arxentina, Chile e Loira pola prestixiosa publicación The Wine Advocate, compartiu dous días cos responsables de Bodegas El Paraguas para coñecer de primeira man tanto a iniciativa levada a cabo pola firma no viñedo máis setentrional de Galicia, como a “fonte” dos seus viños no val do Avia da D.O. Ribeiro.

Esta visita foi compartida polo prescriptor avilés nas súas redes sociais e trouxo consigo a valoración das últimas anadas dos viños elaborados por Bodegas El Paraguas. Unha valoración que sitúa, unha vez máis, á casa galega entre as principais adegas de Galicia e como unha das líderes na produción de viños brancos a nivel mundial.

O viño que máis lle gustou ao home que outorga puntos Parker en España foi La Sombrilla 2019, puntuado con 95 puntos Parker. Unha puntaxe que sitúa o viño branco de Bodegas El Paraguas no pedestal dos mellores viños do planeta. O resto de brancos da firma atlántica tamén acadaron excelentes valoracións, como Fai un Sol de Carallo 2020 e Fai un Sol de Carallo 2018 (94+ puntos ámbolos dous, a mellor valoración da historia deste viño limitado); ou Astillero 2021, que cos seus 93+ puntos convértese, por segunda vez consecutiva con só dúas anadas no mercado, no viño elaborado coa variedade branco lexítimo máis valorada da publicación. Finalmente, El Paraguas Atlántico 2021 acadou a nada despreciable valoración de 93 puntos.